Maging Matapat
Akda Ni: Meric Mara
Kikibit ng balikat?
Natatakot mag-siwalat
Sa mga kwento na isinu-sulat
nagdadalawang isip,nakakagulat!
Ang ulo'y iiling-iling
mga mata'y tila naduduling
tinatagong istoryang magaling
ayaw sambitin at mambibitin
Maging tapat,Walang pabalat
Magtiwala! yan ang dapat
mabubuhay sa paraisong sapat
Ang balabal ng pag-ibig ay matapat
Dadalhin tayo ng malayo
ang mga puso'y sabay mahihipo
ramdam ang tibok na lumalago
sumasaludo ang isip sa pag-suyo
ang kasalanan ay pinagtatakpan
tangap ang ehempo ng bulaan
sa dulo sa sarili ang sinasaktan
papaling sa katotohanan
No comments:
Post a Comment