44 -- 4+4=8 (Lucky Number! Lucky Year! Happy nga ang aking Birthday! ❤❤❤
Bago pumasok ang 2021 ay nagudyok at naglalabasan na ang Vaccinnes para sa COVID19. Senyales ng pag-asa kahit nakanganga pa ang Pilipinas kung paano ihahandle ito. *Malamang lamang ay aaralin pa kasi ng ilan dyan paano kikita bago tumugon.
Ang Pag-asa ang mahalaga! Mapapalitan na ng Pag-asa ang mga hapdi at kirot nitong 2020. Ang mga Luha at lungkot ay mababalutan na din ng mga Ngiti. Sana tumakbo ng mabilis ang mga huling Oras at
Minuto at mag Alas dose na para sa pag-tawid ng 2020-2021.
Ang aking hiling sa May-kapal ay mananatiling para sa marami at hindi para sa akin.
Una, gabayan sana at yakapin ng pag-mamahal ang mga mahihirap at mayayaman tungo sa kabaitan, pag-kakaisa at pagtutulungan. Pangalawa,Hangad ko ang magandang kalusugan at maayos na pangangatawan ng ating mga kababayan. Pangatlo, Ang kanilang pag-asa na muling maibalk ang mga kabuhayan na sa pagkakataong ito ay mas masagana upang tuluyan nilang maitaguyod ang kanilang mga mahal sa buhay. At ang makapag-aral ng tama ang mga kabataan ng tuluyan nilang masugpo ang mga suliranin na pinapamana sa atin ng nakaraan. Bagong pag-asa at makabagong pamumuhay.
Masaya na akong umabot sa edad kong ito na nakasama ang mga tunay na Kapamilya, Kaibigan at mga kasama sa pag-gawa. Walang Salaping tutumbas sa inyong mga pinamalas na pag-ibig at suporta na syang nagpapaalab upang magpatuloy sa ating mga adhikain.
Maraming Salamat po at Manigong Bagong Taon!
No comments:
Post a Comment