Hangga’t buhay tayo

Hangga’t buhay tayo
Akda nila: Richard Albiso Buligan at Meric Mara

Halika na sa ilalim ng puno
Kung sa’n nakaukit pag-ibig na nangabigo
Halika na, sa hardin na nabuo
Ng pagkakaibigan at muli ay maupo

Sa alaala, dahil labis na abala
Doon magbabalik lahat nating saya
Sa alaala, nakakapiling ka
At pinananabikan ang muling pagkikita

Sa alala, nagbabalik ang gunita
Nagbibigay kulay sa nagdaang pagkabata
Sa alaala, nasisilayan ang tuwa at sigla
Na syang magbibigay buhay sa susunod na kabanata

At doon sa huli nating tagpo
Doon natin pupulutin mga susunod na yugto
Mga karugtong nitong bukas na kwento
Walang hanggang wakas, walang katapusang dulo

Dire-diretso, at hindi sumusuko
Sa duyan ng pag-tanda ay laging masuyo
Pag-kakaibigan ay hinding-hindi maglalaho
Tumatatag,Hangga’t buhay tayo!