Isang Aral sa Pagkakawatak-Watak

 Isang Aral sa Pagkakawatak-Watak

Sa bayan ng San Juan, may mga magkakaibigan—si Mayeta, si Edpuno, si Aria, si Dina , at si Ely. May kanya-kanya rin silang talento at abilidad. Subalit sa halip na magtulungan, ang bawat isa sa kanila ay may kanya-kanyang agenda at hindi interesado sa pag-aambag sa ikabubuti ng kanilang komunidad.

Si Mayeta, isang mahusay na guro, ay hindi ibinabahagi ang kanyang kaalaman sa iba dahil sa kanyang kasakiman. Si Edpuno, na isang mahusay na inhenyero, ay hindi tumutulong sa mga proyektong pangkomunidad at sa halip ay nagpopokus lamang sa kanyang sariling mga proyekto. Si Aria, na isang dalubhasa sa teknolohiya, ay ginagamit ang kanyang kasanayan para sa mga ilegal na gawain. Si Dina, na isang magaling na abogado, ay ginagamit ang batas para sa personal na kapakinabangan. At si Ely, isang talentadong artista, ay lumilikha ng mga obra na nagpapalaganap ng negatibong mensahe sa komunidad.

Dahil sa kanilang pagiging makasarili, hindi lamang sila nawalan ng pagkakataon na magtagumpay sa kanyang mga indibidwal na larangan, kundi pati na rin ang kanilang komunidad ay naapektohan. Hindi nagtagal, dumating ang isang malupit na bagyo sa bayan ng San Juan. Sa oras na kailangang magtulungan, wala ni isa sa kanila ang handang gawin ito.

Ang resulta? Ang kanilang bayan ay higit pang nasira, at ang mga residente ay mas lalong nahirapan. Walang pag-unlad, walang suporta, at higit sa lahat, walang pagkakaisa. Sila ay naging simbolo ng pagkakawatak-watak at pagkakabigo na sana'y magkakasama sa pagharap sa anumang pagsubok.

Ang kawalan ng pagkakaisa ay nagdudulot ng kasiraan hindi lang sa indibidwal kundi pati na rin sa mas malawak na komunidad. Ito ang aral na iniwan sa amin ng magkakaibigan mula sa bayan ng San Juan.