May Akda: Meric B. Mara
Sabay tayong gagayak
Sasakupin ang mundo ng galak
Magpapaulan tayo ng mga bulaklak
Ang mundo ay hardin ng busilak
Mga puso ay kukuryentihin
Sa mga ngiting hindi nambibitin
Taglay nating mag irog ay lambing
Pag ibig ay laging samsambitin
Ikaw at ako ay pinagtiyap
Sa mga hapis ay di mabibiyak
Kalupi ng mga puso ay iyak
Na nagpapatag ng samahang matapat
Sabay tayong natataranta
Sumasaway sa masuyong musika
Di mamaliw ang nagmamahalan eksena
Sa magdamagang Pulot-gata
No comments:
Post a Comment