Binago
Ni: Meric Mara
Sa mga may bubong pa ang tirahan at nakakakain ng maayos. Maswerte kayo! Alagaan nyong maiigi ang biyayang meron kayo at ‘wag abusuhin. Higit sa lahat ay ipanalangin nyong malayo kayo sa sakit at madaming umaasa sa inyo at maging instrumento sa pag-tulong.
Alam nyo bang sa panahon ngayon,tsamba na ang makabili ng pag-kain sa ilan nating mga kababayan. Maswerte sila kung maambunan ng mga malalasang pag-kain. Umiikot din ang mga pwet kung saan kukuha ng mga pambili ng gamot.
Ang facemask at faceshied nga ay hindi na din napapalitan at ang paulit- ulit na sampung piso ay mabigat upang ipambili ng mga ito na critical para sa kanilang pag-sunod sa tinatawag na health protocol.
Nai-imagine nyo ba? Kung OO, anong plano ninyong gawin?
Sa mga nakatunganga,
Sa mga nagsasawalang bahala,
Sa mga manhid para sa kapwa,
Sa mga waldas ng biyaya,
Sa mga kurap na mandaraya,
Sa mga nasa dilawan at pulanan na kawawa,
Sa mga naga pi-feeling na marangya.
Aba’y anong plano nyo?
Balik tayo dun sa usaping pag-ganap at pagtulong upang mabuhay ang nagpipilit mabuhay. Hindi tayo inaasanag mag-abot lamang ng barya, mas-inaasayan tayo na ibigay ang ating mga kamay na matulungin kasabay ng utak na nag-iisip at pusong umiibig sa Bayan at sa marami.
Disyembre na,ilang araw nalang ay Pasko na,tapos ang bagong taong 2021. Ramdam nating lahat ang mga pasakit na dulot ng pandemya ng 2020. Medyo masakit din yung namatayan ka pa ng mga mahal sa buhay,mga kaibigan at mga kamagnak. Minsan nga hindi mo mapipiligan ang lumuha.
Hindi lang iyan, nandyan pa yung mga bagyong dumating na syang sumapak din sa ilang buhay at kabuhayan ng ating mga kababayan.
Paano na? Susuko na ba tayo?
Sa iba marahil ay OO, ngunit sa mga nagpapahalaga sa sarili at mga tao sa paligid. Kailangan lumaban.
Kailangan ding umagapay sa mga wala at magpalakas ng loob sa mga mahihina. Kampihan tayo pag-hindi umaayon ang pag-kakataon...group hug!!!
At dahil unang araw ng Disyembre. Ito’y buwan na pwede kong sabihing buwan ng pag-tatyaga at selebrasyon para sa pag-wawagi sa hamon ng buhay. Palakpakan natin ang ating mga sarili dahil hindi tayo kailanman sumusuko at patuloy tayong lumalaban. Mabuhay po at muli, palakpakan ang ating mga sarili! 👏🏻👏🏻👏🏻
Kanta nalang tayo muna nitong klasikong awitin...Sa Paskong darating.
Sa Paskong darating
Santa Claus nyo’y ako rin
‘Pagkat kayong lahat
ay naging masunurin
Dadalhan ko kayo
ng mansanas at ubas
May kendi at tsokolate,
peras, castañas na marami
Sa araw ng Pasko
huwag nang malulumbay
Ipagdiwang ang araw
habang nabubuhay
Sa alon ng mundo, tayong lahat ay naglalakbay sa hiram na buhay. Minsan may mga karanasan tayong magaganda at minsan nama’y may mga hindi din kanais-nais. Yan ay normal lang. Tayo’y nasa mundo na kailangan maintidihan ang dinamikong kapaligiran. Na dahil dito, Tayo-tayo ang gagawa ng ating buhay na kung ano man kahihinatnan, Tayo nga lang ang may gawa.
Minsan tayo’y iiyak,tatawa,mag-mamahal,malulungkot at kung ano-ano pa. Base kasi iyan ng ating mga pinipiling desisyon sa buhay. Kaya minsan maiiling ka kung bakit ninanais ng iilan ang manglamang sa kapwa,gayun din kung bakit may nagpapatiwakal. Lahat naman tayo ay magwawakas, hayaan natin ang daigdig ang humusga..’wag nating madaliin..nag mamasid ang panginoon na syang laging gumagabay sa ating lahat. May tamang panahon nasa ating lahat ay nag-aantay.
Sa gitna ng agam-agam, tayo’y mananalangin. Na sana’y tayo ay gabayan at ilayo sa mga masasama. Maigsi lang kasi ang buhay. Kung pupunahin nga natin,sobrang bilis ng oras.Kung mali man o tama ang gamit natin, hindi na natin iyan maibabalik. Kaya gawin nating makulay ang ating pag-lalakbay. Gawing kaiga-igaya,Ika nga.
Suklian natin ng saysay itong buhay na hiram. Matuto tayong pagpasalamat sa mga pag-papala. ‘Wag nating abusihin ang sa ati’y biyaya ng tadhana. Matutong makiramdam at ‘wag maging pabaya. Kaya sa ating pag-lalakbay ang mga mali at wasto ay magbabase iyan sa kung paano tayo umunawa ng mga ganap ng atin buhay.Base sa karanasan na syang pinagtibay ng ating pag-lalakbay dito sa alon ng buhay.
On Nov 28, 2020 - Advocates from 8layer, Mulat Media, Maralabs, Kampo De Mara, and Rotary Club of Midtown Diliman went straight in the early morning to Brgy. Wawa, Pilillia Rizal for the "Bukas Palad and Kalinga Operation". This is an initiative to support our Kababyan that were greatly hit by Typhoon Uysses.
This was coordinated properly with Brgy. Wawa. Their Captain and Kagawads were very supportive in this initiative and helped us in executing the project complying with the health protocols mandated in their area.
Full of smiles and images of hope are things that are visible in the faces of the people in Brgy. Wawa. We always pray that they will be safe and will overcome the challenges left by the Typoon.
This initiative was supported by OCL K.S.A, RTS Philippines, RTS Malaysia, Dugtong Tulong and Istrat who donated goods that will be useful for our Kababayans.
Mag-lalabas lang ako ng sama ng loob.
Kung hindi dahil sa akin ay hindi ka magiging ganap...hindi ka magiging magaling. Yan ang tinuringan ng isang langsingerong pulpol..nag claim na naman ng mga bagay-bagay na wala naman syang pinuhunang pawis at galing. Ewan ko ba at parang anim na po't limang taon na eh parang walang pinagkatandaan. Bilib na bilib sa sarili ngunit hindi naman nag-aaral.. Sabit-sabit ang mga pinapanindigan .
Maisingit ko lang, Natatawa pa din ako pag aking naiisip ang mga ito. na sa gitna ng malalim na usapan eh biglang iyayabang ang mga ito sa usaping "root words" daw..
Ang root word ng Advocacy at "Äds", may kinalaman daw ito sa kapitalista. Tapos eto pa, ang root word naman daw ng principle ay "prince".Napa Toink ako bigla. Saan ba galing ang mga ito? Parang may kausap akong taga ibang planeta. Ewan ko ba, iiling nalang muna ako ng ulo ko at sisipol sipol na parang wala nalang narinig.
Ganyan ang mga sample at malakas na boses na ipaglalaban ng isang bopols na ito ang mga mali, ngunit iclaclaim ang pagiging hari ng kagalingan.
Syempre pa, ang nakakalungkot dyan ay eto. Yung kakausapin ka sa harap ng maraming tao at papangalandakan na ikaw ay Bobo..lahat ng kausap at kaharap nya ay Bobo lang sa kanya, anong level kaya ang IQ na ito na lagpak naman noong kanyang kabataan sa pag-aaral.... Galing na galing at talinong talino ang isang mamang hindi naman lumalabas sa kanyang lunga, walang ginagawa kundi ang iasa ang pag-babanat ng buto at gagawa ng dahilan na parang sya ang tunay na nagsusumikap. Eh sa bote lang naman ng alak ito magaling..yun lang naman ang tunay nyang kayakap. na kung magsalita ng galing ay sa usaping kayaman ay parang nakabili ng mga pag-katao at may malaking kayamang ipinapamana. Naghahari-harian sa ibabaw ng barong-barong na sa loob ng mahabang panahon ay hindi man lang nya nagawang maging kanaais nais. Iba talaga ang pag-ka nuknukan sa yabang nito..ibang iba.. Pati ang pag-papagal ng isang Arkitekto an nag sunog ng kilay ay sa kanyang panuntunan ay ito daw ay kapos padin.. Grabe siguro ang galing nitong sa mga bagay bagay na wala naman syang alam.
Ramdam na ramdam mo na hindi nito natrain ang sarili na magpakumbaba, hindi na train ang sarili na maging mahusay sa pakikipagkapwa tao.na dun man lang sana eh masaluduhan sya..Dahil iyan ang mga Basic na hindi kahit kaylan man matatapatan ng salapi. Paano na iyan? sa ganang akin..kawawa at nakapahirap ng tao na ito. Wala ng pinag-aralan, inoorkestra pa ang pakikisama at pinapaniwala pa ang kanyang sarili na syaý magaling. pilit mo mang unawain eh mahirap maintindihan.
Sa usaping prinsipyo na kanyang niyayabang, Malinaw naman na sya ang tagapagtanggol ng mga magnanakaw. Nang mga mapanglamang na tao. Walang paninidigan upang ituwid ang tama,bagkos dahil sa kanyang hindi pag-tupad bilang nakakatanda upang maisaayos ay iaasa nya ang mga ito sa mga taong gumagawa ng buti at palabasin na ang mga nag-sisikap ang syang mali at tama ang patuloy na ginagawa ng mga mapanlamang na tao..Nasan ang prinsipyo dito? Wala, nasa baliktad na kukote lang at nasa salita lang ang yabang..Wala ng pag-asa. Sabit talaga! nanghihingi na nga lang eh parang sya pa ang babanat ng buto kung umasta.
Maraming mga pinangaral ngunit sya mismo ay hindi nya nagagawa. Ni ang disiplina sa pag-inom ay hindi kayang ma-control, paano pa ang laban sa buhay? Paano pa ang pagtataguyod para maasahan? Syempre sya nalang ang aasa ng may teknik para hindi mahalata na wala naman syang kakayanan.
Nuknukan ng yabang.
